Walang kinikilala ang virus na ito. Mula sa mahihirap nating kababayan hanggang sa ating mga pinuno, lahat pwedeng tamaan. Kaya lagi’t-lagi tayong mag-iingat: magsuot ng facemask, mag physical distancing at laging maghugas ng kamay.
Ang pagiging hands-on sa mga Special Concern Lockdown areas at health centers ni Mayor Joy ang nagdagdag sa panganib na mag-positibo siya sa COVID-19. Bagama’t kailangan niya mag-quarantine, tuloy pa rin ang kanyang trabaho. Mahusay ang sistemang kanyang binuo at pinamumunuan. Tuloy pa rin ang pag-responde, pagbibigay ayuda at serbisyo ng ating lokal na pamahalaan. Sa panahon na ang ating mga lokal na pamahalaan ang nasa harap ng laban ng COVID-19, pinapalangin natin ang mas mabilis na paggaling ng ating Mayor.