Pinangunhan ni Atty. Kit Belmonte, kinatawan ng ika-anim na distrito ng Quezon City, ang pagdiriwang sa pagkakahalal ng mga opisyal ng Sangguniang Kabataan (SK) ng distrito sais. Pinamagatang “Kabataan para sa Bayan”, nagsama-sama ang labing isang Sangguniang Kabataan ng distrito. Ginanap ito sa bisperas ng kanilang opisyal na tungkulin noong ika-30 ng Hunyo, 2018 sa Sagul Food Park sa Malingap Street, Diliman, Quezon City.
Ayon kay Atty. Kit Belomonte, ang pagdiriwang ay ginanap upang mapatibay ang kaisahan ng ika-anim na distrito. Sa pamamagitan ng pagkakilalanlan ng mga lider-kabataan, maaring mapalawak ang serbisyo-publiko at higit pang mapahusay ang pamumuno ng kabataan sa distrito. Nagbigay rin ng mga mensahe sa mga lider-kabataan ang mga opisyal ng Lungsod ng Quezon na sina Vice Mayor Joy Belmonte at Konsehal Gian Sotto ng ikatlong distrito. Nagbiay din ng insipirasyon ang mga konsehal ng ika-anim na distrito na sina Marivic Co-Pilar at Donny Mattias.
Inilunsad din ni Atty. Kit ang Kabataan para sa Bayan Youth Leadership Development Program. Ang programa at naglalayon na mapahusay at mapalalim pa ng ng mga lider-kabataan ang kanilang pamumuno sa kanilang mga barangay.bAng pagdiriwang ay napuno ng kainan at mga laro gaya ng “Know Your District” at “Karaoke Challenge”.